ఇండియన్ బౌలర్స్ లంక టాప్ లేపారు

గాలె: శ్రీలంకతో తొలి టెస్టులో భారత బౌలర్లు చెలరేగారు. ముఖ్యంగా భారత ఆఫ్ స్పిన్నర్ అశ్విన్ (3/15) సూపర్ స్పెల్ తో రాణించి లంక టాపార్డర్ పనిపట్టాడు. బుధవారం ఆరంభమైన తొలి టెస్టులో టాస్ గెలిచి బ్యాటింగ్ కు దిగిన లంకను.. భారత్ బౌలర్లు లంచ్ సమయానికి 65 పరుగులకే 5 వికెట్లు పడగొట్టారు. అశ్విన్ మూడు వికెట్లు పడగొట్టగా.. వరుణ్ అరోన్, ఇషాంత్ చెరో వికెట్ తీశారు. మాథ్యూస్ (26 బ్యాటింగ్), చాందిమల్ ( బ్యాటింగ్ 5) క్రీజులో ఉన్నారు.
   
    మ్యాచ్ ఆరంభంలోనే లంకేయులకు కష్టాలకు మొదలయ్యాయి. ఇన్నింగ్స్ ఏడో ఓవర్లో భారత పేసర్ ఇషాంత్.. లంక ఓపెనర్ కరుణరత్నే (9)ను అవుట్ చేసి వికెట్ల పతనానికి శ్రీకారం చుట్టాడు. ఆ తర్వాత లంక బ్యాట్స్ మెన్ పెవిలియన్ కు క్యూ కట్టారు. మరుసటి ఓవర్లో వరుణ్ అరోన్.. మరో ఓపెనర్ కౌశల్ సిల్వాను (5) అవుట్ చేశాడు. ఆ తర్వాత అశ్విన్ వరసగా సంగక్కర (5), తిరుమన్నె (13), ముబారక్ (0)ను అవుట్ చేసి లంకను పీకల్లోతు కష్టాల్లోకి నెట్టాడు.